lo marçau aus ponts Jan dau Melhau

Lo Marçau aus Ponts

Nous publions ici un passage de l’ouvrage Jan Dau Melhau, Lo Prumier libre dau Marçau, Edicions dau Leberaubre, 1983, chap. XV : Dau Voiatge dau Marçau a Lemotges, p. 70-71. Marçau est un peu le limousin éternel, qui parcourt les lieux et les temps se joignent sous ses pas. Ici, il descend de la cathédrale vers la Vienne, entre à la Crotte de Poule, assiste au spectacle du flottage du bois, échange deux mots avec l’Amiral (voir les articles de A. Dexet), longe la Vienne jusqu’au Pont Saint-Etienne, où passent les pèlerins, voit les blanchisseuses au travail, marche jusqu’au pont de son saint patron et remonte vers la mairie, juste à temps pour assister aux obsèques de Vardelle…

Lo Marçau davalet vers la Vinhana. Quò jugava delai lo Masgolet, a la Cròta de Pola. E de monde l’i avia, de monde, que li somblava que las parets de torçadis se n’anessam espetar en fuec de terra e de palha, de fòrt que quò l’i te butia a l’en dedins. « Queraque, l’i vau be rentrar tot-parier ! » L’i avia degun a l’i se veire, l’i se coneisser, l’i se tornar coneisser, de fum de tabat e de biera de chas Mapateu disia la reclama. Un tipe jugava ‘na masurca sus ‘na cordelhon subralenairitz, e dins un coenh un pitit vielh jugava la borréia sus ‘na chabreta desgorbelhada. L’i avia be qualquas femnas que disian tròp res a qui lur manhava los tetins e ‘na tipessa que damandava pas mielhs qu’òm li prestigues lo cuol. Lo Marçau surtiguet e seguet la Vinhana. Lo grand ramier ‘plantava lo bois davalat de la montanha e montavan que bois a las fabricas dins de las grandas bossas rossas peladas per daus grands chavaux blancs. « L’i aura tòst pus de bòscs sus, çò-ditz l’Amirau, si contunhen aitau. Sirá ben temps aura d’empluiar l’esséncia o quauqua res aitau ! » Lo Marçau lo laisset parlar e contunhet. Dos romius desguelhos que ‘navan a Sent-Jaume passavan lo pont Sent-Esteve : « Balha nos ‘na sauna e lo bon diu la te tornará » Lo Marçau lur balhet ‘na sauna e la giteren dins la Vinhana. Apres lo pont, de la broá de l’aiga a las parets de la ciutat, quò era màs un linçòu, ‘na pelha que sechava. Tota la besunha daus borges d’a Lemòtges. E las bujadairitz te fasián ‘nar quilhs peiteus : pin pau pau ! Apres quò montavan en procession en vila, portar lur merchándia dins los quartiers ben.

Lo Marçau n’anet d’aiciant’a l’autre pont, lo qu’onorava son sent-patron, e tornet montar devers la mairariá per la vila romana. Un monde silencios negresissiá las vias e charriera alentorn. « Quò es l’enterrament de Vardela, li disset quauqu’un. » L’i avia daus drapeus negres, coma lo monde. L’i aguet daus discors dins lo silenci, daus punts levats, daus punts sarrats, quauquas gremas que rotlavan dins la gòrja.

La croix du pont Saint-Martial